聖誕節啫，合埋眼就過咖啦～
//
每逢年尾，單身嘅人就如臨大敵，...

聖誕節啫，合埋眼就過咖啦～
//
每逢年尾，單身嘅人就如臨大敵，聖誕除夕情人節一浪接一浪，身邊所有人都開始戥你擔心，「一個人咁點算呀？」 唔知點解喺香港一個人過節就係異類，就被認定咗你會傷心寂寞凍～


無可否認，年尾嘅節日氣氛真係好濃厚，令到好多人都突然春心動，有種想戀愛嘅氣色。不過根據我過往單身多年嘅經驗，單身過節，其實無咩大不了，如果你有朋友的話。


以前單身，聖誕節去下唔同嘅小party，同朋友食個飯交換下禮物，根本無咩時間傷春悲秋。情人節就更加小事，放工番屋企食個飯，根本同平時一樣。只要你有正常生活，有朋友陪下，節日其實都無咩好恐懼。只係有啲人內心太渴望拍拖，先至玻璃心，一到節日就如臨大敵。


無論你怕唔怕單身過節都好，千其唔好為咗唔想一個人過就求其搵個異性拍拖。因為，同一個唔愛嘅人過節，其實比起一個人，更加寂寞！
//
ig: hkgirlfriend
港女友 Hong Kong Girlfriend.

---